www.racyja.by
14/07/2008

Лідэры аб’яднаных дэмакратычных сіл заклікаюць дэмакратычную супольнасць і проста неабыякавых людзей прыйсці 14 ліпеня ў 18.00 на Кастрычніцкую плошчу, каб запатрабаваць спынення палітычных рэросій і падтрымаць затрыманых акьывістаў АДС. Як вядома, толькі за апошнія некалькі дзён 16 актывістаў розных маладзёвых рухаў былі затрыманыя праваахаоўнымі органамі па падазрэні ў дачыненні да выбуху ў Мінску.

У пятніцу на тэрміновым пасяджэнні Прэзідыум Палітрады Аб’днанах дэмакратычных сіл прыняў рашэнне аб правядзенне 14 ліпеня ў 18.00 у Мінску на Кастрычніцкай плошчы акцыі ў падтрымку дэмакратычных актывістаў, якія затрыманыя беларускімі спецслужбамі па падазрэнні ў дачыненні да выбуху ў Мінску.

Паводле лідэра Партыі камуністаў Беларускай Сяргея Калякіна, апазіцыя больш не верыць абяцанням Лукашэнкі правесці сумленныя дэмакратычныя выбары. Пра гэта сведчаць факты:

- Лукашэнка паабяцаў учора правесці сумленныя дэмакратычныя выбары. І зрабіць роўнымі ўмовы для вядзення выбарчай кампаніі для ўсіх кандыдатаў. Аднак мы добра ведаем, што за апошнія два дні толькі ў Мінску былі затрыманыя больш дзесятку прадстаўнікоў дэмакратычных арганізацый. Праведзеныя нематываваныя обшукі. Прычым, шмат хто з затрыманых з’язляюцца актыўнымі ўдзельнікамі выбарчай кампаніі.

Лідэры АДС заклікаюць усіх людзей, якія неабыякавыя да лёсу затрыманых, прыядноўвацца да акцыі, што адбудзецца 14 ліпеня.

Плануецца, што ўдзел у ёй возьмуць патэнцыйныя кандыдаты ў дэпутаты Палаты прадстаўнікоў ад спісу АДС, якія балатуюцца ў мінскіх акругах. Гэта і сам Сяргей Калякін, і старшыня Аб’яднанай грамадзянскай партыі Анатоль Лябедзька, намеснікі старшыні Партыі БНФ Вінцук Вячорка і Віктар Івашкевіч, намеснік старшыні Беларускай сацыял-дэмакратычнай партыі (Грамада) Ігар Рынкевіч ды іншыя.